Навивачите на Јувентус го прогласија португалскиот ас Кристијано Роналдо за најдобар играч во тимот во сезоната што измина. Во сезоната 2020/21 во Серија А, 36-годишниот фудбалер одигра 33 натпревари, постигна 29 гола и стана најдобар стрелец во италијанскиот шампионат.
Дефанзивецот Хуан Куадрадо е избран за најдобар играч на Јувентус во мај, откако овој месец одигра пет натпревари во Серија А, постигнувајќи два гола.
Јувентус заврши четврти на табелата и избори место во Лигата на шампионите. Кристијано Роналдо изненадувачки остана на клупата за резерви на синоќешниот меч против Болоња (1-4).
