Фудбалерот на Атлетико Мадрид, Луис Суарез потврди дека ќе остане во клубот и следната сезона.
„Сигурен сум дека ќе останам во Мадрид. Атлетико ме прими одлично од првиот момент. Овде добро се однесуваа кон мене. Прашав дали има место во музејот на клубот каде ќе овековечат дека создаваме историја со Атлетико“, изјави Уругваецот.
Атлетико викендов ја освои шампионската титула во Ла Лига, а еден од најзаслужните за трофејот е токму Луис Суарез кој пред сезоната од Барселона дојде во Мадрид.
Триесет и четиригодишниот Суарез има постигнато 21 гол на 32 натпревари во Ла Лига.
