Адана Демирспор, новиот член на турската Суперлига, објави дека преговара со италијанскиот напаѓач Марио Балотели. Откако не успеа да оствари пласман во Серија А со Монца, Балотели заминува од клубот, а би можел да се пресели во Турција.
Контроверзниот напаѓач е отворен за понуди, а претседателот на Адана, Мурат Санчак, изјави дека клубот испратил официјална понуда.
„Преговараме со Балотели. Му дадовме официјален предлог и сега чекаме одговор“, изјави Санчак за турските медиуми.
Договорот на Балотели со Монца истекува на крајот на јуни. Тој дојде во Монца од Бреша, исто така како слободен агент и постигна шест гола на 14 натпревари.
