Англискиот премиерлигаш Ливерпул сака да го врати Арон Рамзи во Премиер – лигата. Велшкиот интернационалец е на излезна врата од Јувентус, а менаџерот на „црвените“, Јирген Клоп, би сакал да го засили средниот ред со искусниот играч кој во минатото го носеше дресот на Арсенал.
Рамзи има договор со „старата дама“ до 2023 година, но Јувентус е согласен да си замине за отштета од само 10 милиони фунти. Тоа не би требало да претставува проблем за Ливерпул.
Тимот на Јирген Клоп е фокусиран на последното коло од Премиер – лигата и трката со Лестер за пласман во Лигата на шампионите.
