Милан вечерва беше пресилен за Торино и се искачи на третото место откако на гостински терен славеше со убедливи 0-7. „Росонерите“ настапија без Златан Ибрахимовиќ, но тоа не беше проблем за лесна и убедлива победа. Милан до седумте погодоци стигна преку Ребиќ кој постигна хет-трик, Ернандез постигна два погодоци, а во листата на стрелци се запишаа Диаз и Кеси со по еден гол.
Кристијано Роналдо вечерва постигна еден погодок во победата на неговиот Јувентус против Сасуоло од 1-3 и со тоа стигна до јубилејни 100 погодоци во дресот на „старата дама“. Актуелниот шампион се’ уште е во „аут“ за Лигата на шампиони, односно е на петтото место, а неизвесноста околу местата кои водат во ЛШ ќе трае до последната минута.
Џенова на Горан Пандев и официјално го обезбеди опстанокот во Серија А откако на гостувањето кај Болоња славеше голема победа од 0-2. Новиот шампион Интер со 3-1 го доби дербито со Рома, па трката за излез во европските купови ќе биде дополнително неизвесна до самиот финиш од сезоната.
Аталанта немаше проблеми и дома со 0-2 беше подобар противник од Беневенто, со што сега екипата од Бергамо е на делба на второто место на табелата. Сампдорија дома успеа да извлече бод играјќи 2:2 со Специја, иако гостите во два наврати имаа водство. Лацио во судиското надополнување одвај успеа да ја совлада Парма со погодокот на Имобиле.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski