Легендарниот италијански голман Џанлуиџи Буфон вчера потврди дека ќе го напушти Јувентус на крајот од сезоната, а веќе денеска доаѓа „бомба“ од Шпанија дека тој би можел да се пресели во Барселона. Иако имаше најави дека можеби ќе се врати во матичниот клуб Парма, сепак, Џиџи Буфон би можел да пристигне на „Камп Ноу“.
Каталонскиот клуб, наводно, контактирал со Буфон и му понудил позиција на резервен голман кој би ја олеснил работата што ја извршува Марк-Андре Тер Штеген. Во исто време, се тврди дека Барселона е подготвена да го продаде Нето за да ја олесни финансиската состојба. Нето бранеше на три натпревари во Лигата на шампионите оваа сезона, на шест првенствени натпревари и на два дуели во Купот на Шпанија.
Буфон кариерата ја започна во Парма, а освен една сезона мината во Пари Сен Жермен, од 2001 до 2018 година, а и од 2019 година досега е член на Јувентус.
