Хорхе Меси, таткото и агент на Лионел Меси, бил забележан вчера во Барселона на стадионот „Јохан Кројф” гледајќи го тимот на Барселона Б против Вилјареал Б, пренесува каталонски „Мундо Депортиво”.
Се вели дека тој планира да се сретне со челниците на Барса за да разговара за продолжување на договорот на неговиот син, со оглед дека сегашниот договор истекува на крајот на сезоната.
Клубот, наводно, чекал тој да пристигне во Каталонија за да можат да влезат во последната фаза од преговорите околу новиот договор на Аргентинецот.
Во меѓувреме, 33-годишниот напаѓач одигра 40 натпревари за тимот од „Камп Ноу” во тековната сезона, постигнувајќи 31 погодок. Тој на своето конто има и 13 асистенции.
