Манчестер Сити е подготвен да се раздели со играчот од средниот ред Џек Грилиш. Според информациите, „граѓаните“ сакаат да заработат околу 50 милиони фунти од продажбата на 29-годишниот Англичанец. Засега нема конкретни понуди за Грилиш, но клубот е отворен и за опција да го позајми.
Претходно беше објавено дека интерес за него покажале Наполи, Евертон и Баер Леверкузен.
Манчестер Сити не го вклучи Грилиш на списокот за Светското клупско првенство, кое започнува во САД.
Минатата сезона Грилиш одигра 32 натпревари, постигна три гола и забележа пет асистенции. Неговиот договор со Сити важи до летото 2027 година.
