Португалскиот играч од средниот ред Жоао Палиња ја започна одлично сезоната во Тотенхем. Тој постигна два гола на осум натпревари и се наметна како стартер кај Томас Франк по својот трансфер од Баерн Минхен летово.
Дефанзивниот играч за врска е на позајмица во Тотенхем, а многу е веројатно да остане трајно во тимот, пишува „Билд“. И менаџерот на Тотенхем и Палиња сакаат договорот со баварците да стане постојан.
Во договорот меѓу двата клуба постои опција за откуп, која изнесува околу 30 милиони евра.
Палиња пристигна во Баерн во летото 2024 година, но не успеа да се наметне во тимот и затоа беше испратен на позајмица во Тотенхем.
