Манчестер Сити го продолжи договорот на младата ѕвезда од средниот ред, Нико О’Рајли, соопшти премиерлигашот. Новиот договор со 20-годишниот фудбалер важи до летото 2030 година.
„Никогаш нема да го заборавам овој ден. Во Сити сум од осумгодишен и остварувањето на сонот да играм за првиот тим е неверојатно. Потпишувањето на нов договор е навистина нешто посебно“, изјави О’Рајли.
„Многу сум горд на себе, но исто така и на мајка ми. Таа многу жртвуваше за да стигнам до оваа позиција, па радоста е и нејзина, како и моја“, додаде младата ѕвезда.
„Искрено, ова е само почеток. Изминав долг пат, но сакам да продолжам напред, да се усовршувам секој ден и да станам подобар играч. Тука, во Сити, под водство на Пеп, знам дека можам да го постигнам тоа. Ова е најдоброто место за еден фудбалер“, истакна О’Рајли.
