Француската ѕвезда Осман Дембеле, новиот освојувач на престижната награда „Златна топка“ во изборот на „Франс Фудбал“, во трката за индивидуалното признание доминантно го победил Ламин Јамал, кој се најде на втората позиција.
Иако дел од јавноста очекуваше тесна борба меѓу двајцата, официјалните резултати покажаа голема разлика – Дембеле освои вкупно 1380 гласови, додека Јамал собра 1059. Таа предност од 319 гласа му донесе сигурна победа на Французинот.
На третата позиција се најде соиграчот на Дембеле од ПСЖ, Витиња, кој доби 703 гласа.
