Хрватскиот клуб Хајдук Сплит денеска стави крај на потрагата по нов тренер – шпанскиот стручњак Гонзало Гарсија е избраниот што ќе го води тимот во новата сезона. Тој доаѓа како наследник на Џенаро Гатузо, со кој клубот се раздели неодамна.
Гарсија минатата сезона седеше на клупата на Истра, а претходно има искуство и во холандски Твенте, како и во португалската Арука. Од самиот почеток беше прв избор на управата на Хајдук, а денеска таа доверба доби официјална потврда – потпишан е договор со важност до летото 2028 година.
„Со голема радост објавуваме дека Гонзало Гарсија е новиот тренер на нашиот прв тим. Договорот е потпишан до 2028 година, а официјалното претставување на новиот стратег ќе се одржи наредната недела, на стартот на подготовките за новата сезона“, стои во соопштението на клубот од „Пољуд“.
Хајдук влегува во ново поглавје, надевајќи се дека токму Гарсија ќе биде човекот што ќе го врати клубот на шампионските патеки.
