Младите фудбалери ремизираа без голови против Косово

Младата фудбалска репрезентација на Македонија ремизираше без голови на пријателскиот натпревар против Косово во Приштина. Ова е добар резултат ако се знае дека претходните два теста против Косово ги загубивме.

Косово беше за нијанса подобар ривал, но Македонија ја имаше најдобрата шанса. Во 72.минута, по центаршутот од левата страна Димитар Трајков шутираше со глава од изгледна позиција, но над голот.

За три дена двете селекции ќе одиграат уште еден пријателски натпревар во Скопје.