Барселона потешко од очекуваното дојде до нови три бода, совладувајќи го веќе испаднатиот Валјадолид со 1-2, и со тоа направи нов важен чекор во трката за титулата во Ла Лига.
Иако се очекуваше лесен натпревар за тимот на Ханси Флик, Валјадолид шокираше уште во шестата минута преку Санчез.
Барселона имаше повеќе од играта, но им требаше време да се вратат во мечот. Рафиња израмни во 54. минута, а само шест минути подоцна Фермин Лопез, по асистенција на Мартин, го постигна победничкиот гол.
Со овој триумф, Барса има 79 бода, седум повеќе од Реал Мадрид, кој го очекува дуелот со Селта. Натпреварот воедно беше одлична увертира за големото Ел Класико, кое се игра наредниот викенд.
