Наполи е сè поблиску до скудетото во Серија А, откако денеска забележа важна победа на гости против Лече со резултат 0-1 во рамки на 35. коло.
Тимот од Неапол започна силно и веќе во втората минута Лукаку го затресе противничкиот гол, но погодокот беше поништен по ВАР интервенција поради офсајд. Сепак, во 24. минута Џакомо Распадори успеа да ја затресе мрежата и му донесе предност на Наполи, што се покажа како клучен момент за освојување на трите бода.
Со овој триумф, Наполи направи уште еден значаен чекор кон шампионската титула.
