Кире Маркоски ја продолжува кариерата во Спартак Трнава

Словачкиот прволигаш Спартак Трнава го претстави Кире Маркоски како ново засилување. Тој доаѓа како позајмен играч од АЕЛ Лимасол до крајот на сезоната. Клучен фактор за преселбата во Словачка бил Борис Годал, соиграчот од кипарскиот тим кој во минатото го носел дресот на Спартак Трнава.

„Борис во суперлатив ми зборуваше за Спартак Трнава. Тоа е клуб со богата историја и со значајни настапи во Европа. Се надевам дека ќе ги оствариме планираните цели на клубот“, изјави Кире Маркоски.