Напаѓачот на Челси, Жоао Феликс, не сака да се врати во Атлетико Мадрид по неговата позајмица во лондонскиот клуб. Фудбалерот веќе го известил шпанскиот клуб за својата одлука.
Челси го потпиша 23-годишниот играч на позајмица во јануари оваа година. Договорот треба да трае до крајот на оваа сезона, со тоа што сè уште не е јасно дали лондончани ќе се обидат да го задржат играчот и следната сезона.
Жоао Феликс досега настапуваше на пристојно ниво за „сините“, постигнувајќи два гола на седум натпревари во Премиер – лигата.
