Македонија ЃП загуби (2-3) од Струга Трим Лум во директниот дуел за излез во Европа, а остана и без шефот на стручниот штаб Жикица Тасевски. По поразот, тој поднесе оставка на функцијата иако ѓорчепетровци се уште се наоѓаат на посакуваното трето место на табелата.
„Како чин на одговорност по повој шокантен пораз, поднесов оставка од тренерската позиција во Македонија ЃП. Се надевам дека тимот ќе успее да ја задржи третата позиција до крајот на првенството и да излезе на европска сцена. Сакам да изразам благодарност до раководството на клубот за убавите моменти во Ѓорче Петров“, вели за МАКФУДБАЛ, Жикица Тасевски.
