Тренерот на Реал Мадрид, Чаби Алонсо, сака да го остави зад себе скандалот што го предизвика Винисиус Жуниор на Ел Класико, кога збесна и се изнавика кон него, поради одлуката да биде заменет со Родриго во 72.минута од натпреварот.
„Вини зборуваше пред сите нас во средата и беше фантастичен. Беше многу искрен и јасен. И неговата изјава беше силна. Најважни се зборовите што им ги упати на своите соиграчи. Нема никаков случај со Вини Жуниор, сѐ е расчистено“, изјави Чаби Алонсо.
Реал Мадрид овој викенд на „Сантијаго Бернабеу“ в сабота ја пречекува Валенсија.
