Лидерот на табелата, тимот на Шкендија, излезе со жестока реакција по поразот од Пелистер (0-1) со голот од пенал на Борче Маневски. Од Шкендија сметаат дека денот што беше наменет за прослава и простување на Димитар Мечкаровски, тој го претворил во срам со „крриминално“ досудениот пенал во 90.минута.
„Жално е како ден кој требаше да претставува прослава за заминување во пензија по успешната судиска кариера на Димитар Мечкаровски се претвори во срам и „криминална“ кражба. Се поставува прашањето зошто Мечкаровски мораше вака да ја заврши кариерата? Зошто во последните секунди од својата кариера мораше да го извалка своето име носејќи „криминална“ одлука за непостоечки пенал во која не веруваа ниту фудбалерите на Пелистер“, се вели во дел од опширната и жестока реакција од ФК Шкендија.
