Еден човек е застрелан за време на немирите меѓу фановите на Палмеирас, кои организирано го следеле натпреварот на нивниот омилен тим против Челси во финалето на Светското клупско првенство, соопштија официјалните лица во Бразил.
„Имаше проблеми и несреќа кај навивачите на Палмеирас. Тоа доведе до смрт на еден човек“, соопшти полицијата.
Мажот, кој работел како управник во затвор, бил застрелан пред стадионот на Палмеирас во Сао Паоло. Полицијата употреби гумени куршуми и солзавец за да се справи со немирите.
