
Две седмици подоцна, иста дилема е пред раководството на Вардар. Кој да биде нов тренер на најтрофејниот клуб. По заминувањето на Горазд Михајлов некако природно се наметна одлуката неговиот прв асистент Горан Петрески да го преземе тимот, но тоа не се покажа како добро решение.
Ако поразот на Чаир против Шкупи беше очекуван, сепак, оние убедливи 3-0 и дузината шанси што ги имаше противникот не ветуваа ништо добро. Се покажа дека Вардар не се извлече од кризата ниту против Воска Спорт на домашен терен. Напротив, најновиот пораз (1-3) само ја пламна атмосферата, па и Чунга мораше да замине по само два натпревари на клупата.
Кој е најдоброто решение во моментот? Срѓан Захариевски е слободен и тој е првиот пик за нов тренер на Вардар. Работеше одлично во Струга Трим Лум, а успеа дури и Воска Спорт да ја донесе до финалето на Купот.
Гоце Седлоски е исто така слободен, откако се раздели со Работнички. Тој има искуство во Вардар, и тоа од периодот кога „црвено-црните“ беа многу подобро организирани, со подобар буџет и главни фаворити за титулата. Сега, реално, не е така, а Вардар во моментот е последен на табелата.
Поранешниот селектор Игор Ангеловски е исто така една од опциите. Мрме имаше голем успех како селектор на Македонија, ќе остане запишан во историјата како единствениот што успеал да ја квалификува на Европско првенство, а оттогаш имаше два тренерски ангажмани, без посериозен резултат, па секако најмногу од клупската тренерска кариера се памети неговиот одличен, шампионски период на кормилото на Работнички.
Вардар премногу лесно почна да „троши“ тренери, следниот ќе има многу тешка задача, но исто така треба да добие и време да го стабилизира тимот и да ги наметне своите идеи. Предвидувањата се дека најдоцна до среда, Вардар ќе го избере новиот шеф.

-
МАКФУДБАЛ ТИМ НА КОЛОТО ВО ПРВАТА ЛИГА
Арсими дојде во Тетово и ја сопре Шкендија, а Силекс и Струга ТЛ се...
Автор makfudbal
-
МАКФУДБАЛ ИГРАЧ на колото: Филип Алексовски (Башкими)
Башкими е веројатно најпријатното изненадување на стартот на сезоната во Првата лига. Новиот прволигаш...
Автор makfudbal

Евро-фудбал
Тотенхем е фаворит за потписот на Мануел Аканџи

Евро-фудбал
Лукас Пакета пред трансфер во Астон Вила

Интернационалци
Бојан Миовски потпиша за Глазгов Ренџерс
