Заедно до победа: Се е под конец во соблекувалната (ФОТО)

Заедно до победа. Цела Македонија денеска конечно е сплотена и ќе ја бодри фудбалската репрезентација во обидот да испише нова историја и да обезбеди пласман во баражот за Светското првенство во Катар. Потребна е победа над Исланд за Македонија да ја потврди втората позиција која ја има во овој момент и да биде меѓу 12-те селекции кои преку дополнителен бараж ќе се трудат да се најдат на следниот мундијал.

Во собекувалната се е веќе под конец. Дресовите и останатиот дел од спортската опрема ги чекаат фудбалерите кои за околу половина час треба да пристигнат на арената „Тодор Проески“.

Македонските репрезентативци ќе имаат поддршка и од околу 17.000 фанови. Стадионот е распродаден, но со половина од капацитет поради ковид-протоколите. Сепак, тоа ќе биде повеќе од потребна поддршка за нашиот национален тим.