Хрватска и Мароко ќе играат за третото место на Мундијалот, а претходно и го отворија натпреварувањето во групата Ф играјќи без голови на стадионот „Ал Бајт“ во Ал Хор.
Мароко ќе се обиде до првиот медал во историјата на светските првенства, а за оваа африканска селекција ќе на навива и претседателот на Србија, Александар Вучиќ.
„Во финалето не знам за кого ќе навивам, но знам за кого ќе навивам во мечот за третото место – за Мароко. Тоа се нашите вистински браќа, кои никогаш нема да го признаат независно Косово. Имаат проблем со Западна Сахара. Сега ќе ми кажеш дека цел Нови Пазар го поддржува Мароко, а јас да кажам дека нема да ги поддржам затоа што се муслимани? Па, тие се наши браќа, наши пријатели. Јас навивав и за Аргентина“, изјави Вучиќ на РТС.
Тој откри дека не навивал за Хрватска ниту во полуфиналето.
„Ги почитувам сите, одете во Хрватска на море, јас нема, не навивам за Хрватска, колку сте, 11, 12 отсто, но јас победив на изборите и сакам сите овде да бидеме искрени, никој нема да ми забрани и секогаш ќе зборувам слободно“, истакна претседателот на Србија.
