Реал Мадрид вечерва на „Сантијаго Бернабеу“ го пречекува Пари Сен Жермен во реванш меч од осминафиналето во Лигата на шампионите. Овој мегадуел уште по ждребот предизвика најголем интерес, а минималната предност од Париз (1-0) што ја има ПСЖ носи дополнителна возбуда.
Првиот меч не ги оправда очекувањата за спектакл, бидејќи Реал Мадрид пристапи премногу дефанзивно и многу ретко се обидуваше да нападне кон голот на „светците“. Оваа тактика требаше да им донесе реми, но моментот на генијалност на Килијан Мбапе во последните мигови од мечот обезбеди еден гол предност за ПСЖ.
Избраниците на Маурисио Покетино повторно сонуваат за освојување на Лигата на шампионите, но во право е и дека за Реал Мадрид тоа е рутина. „Кралевите“ најмногу во историјата му се имаат радуваат на пехарот во ЛШ.
Реал Мадрид беше елиминиран во осминафиналето во две од последните три изданија на европското натпреварување, а само еднаш во последните 10 наврати се пласирал понатаму по пораз на првиот натпревар.
Но, мадриѓаните се во серија од 13 средби без да загубат на домашен терен.
Голем проблем за Карло Анчелоти е немањето клучни фигури како замени за Кашемиро и за Ферлан Менди, кои се суспендирани. Неизвесен е и Тони Крос поради повреда. Доколку Германецот не може да игра, Едуардо Камавинга и Федерико Валверде ќе стартуваат на средината на теренот, покрај Лука Модриќ. Ветеранот Марсело ќе биде лев бек на местото на Менди.
ПСЖ одигра лошо против Ница и третпат сезонава не постигна гол, а се почувствува отсуството на Килијан Мбапе. Сепак, и покрај повредата, вечерва против Реал Мадрид ќе биде на линија и ќе се обиде да го заврши започнатото на „Паркот на принцовите“.
Серхио Рамос е повреден и нема да се соочи со поранешните соиграчи. Ашраф Хакими имаше здравствени проблеми во текот на неделата, но ќе започне од првата минута, а на голот ќе биде Џанлуиџи Донарума.
Последното гостување на ПСЖ на „Бернабеу“ беше во 2019 година и заврши 2-2. Реал Мадрид поведе со двата гола на Карим Бензема, но Килијан Мбапе и Пабло Сарабија успеаја да израмнат.
Судија на натпреварот вечерва (21 часот) ќе биде Холанѓанецот Дани Макиели.
