Фудбалерите на Јувентус ремизираа против Вилјареал (1-1), во првиот дуел од осминафиналето на Лигата на шампионите.
Тимот од Торино поведе во 32. секунда со голот на Душан Влаховиќ. Србинот се огласи по реми и неговиот дебитантски гол во ЛШ.
„Во Јувентус ми се исполни сонот да играм во Лигата на шампионите, но не сум 100 отсто среќен затоа што не победивме. Многу го посакувавме тоа. Штета, не успеавме, но одиме понатаму. Мислам дека го направивме тоа за што се подготвувавме во соблекувалната, се обидовме да продолжиме како што почнавме, но понекогаш работите многу зависат и од противникот. Вилјареал заслужи честитки за играта. Ние одиме понатаму. Се радуваме на секој нареден натпревар и победа, без разлика кој ни е противник. Јас лично веќе го заборавив овој натпревар. Треба да гледаме напред“, изјави Влаховиќ.
По овој натпревар, Јувентус за четири дена ќе му гостува на Емполи во 27. коло од Серија А.
