Менаџерот на Кристал Палас, Патрик Виеира, нема да биде казнет од Фудбалската асоцијација на Англија (ФА) поради расправија со навивач за време на инцидентот кога фановите на Евертон влетаа на теренот на „Гудисон Парк“ за време на натпреварот меѓу двата тима минатата недела.
По поразот на неговиот тим со 2-3, Виеира со клоца удри навивач пред да го напушти теренот. Двете страни одбија да поднесат формална жалба, а локалните власти не поднесоа обвиненија по истрагата за случајот, објави „Ројтерс“.
Евертон со триумфот обезбеди опстанок во Премиер – лигата следната сезона, што ја предизвика големата радост кај навивачите на „карамелите“.
Фудбалскиот сојуз на Англија и двата клуба се уште ја истражуваат ситуацијата со упадот на навивачи на теренот.
