Марко Верати е на прагот да потпише ново продолжување на договорот со францускиот ПСЖ.
Италијанскиот играч за врска дојде во Париз во летото 2012 година, Ал-Келаифи го зграпчи пред Јувентус и оттогаш соработуваат успешно.
Верати беше еден од првите трансфери на почетокот на новата ера во парискиот клуб, а веќе десет години игра во француската престолнина.
И како што стојат работите, тој ќе игра уште четири години.
Италијанецот ќе потпише продолжување до 2026 година со зголемување на платата. Тој моментно заработува 14 милиони евра годишно.
