Најтрофејниот македонски фудбалски клуб Вардар денеска го слави 77. роденден. На 22 јули 1947 година, во киното Вардар е оформен фудбалскиот клуб за да пркоси и да биде симбол на градскиот дух.
Вардар израсна во синоним за спортска Македонија, гордост на републиката, име по кое се препознава државата. Низ историјата стана најтрофеен македонски фудбалски колектив, беше учесник во Првата лига на поранешна Југославија, беше предводник на фудбалот при оасмостојувањето, а потоа преживуваше и тешки и мачни денови.
Симболично, во чест на роденденот на Вардар, утре ќе биде одигран пријателски натпревар против екипата на Динамо Загреб, кој ќе се одигра на стадионот ,,Максимир” во Загреб, со почеток во 19 часот.
