Рафаел ван дер Варт е назначен за привремен тренер на Есбјерг, потврди данскиот второлигаш. Поранешниот холандски репрезентативец играше за Ајакс, Тотенхем, Реал Мадрид и Хамбургер во својата активна фудбалска кариера, која заврши во Есбјерг во 2018 година.
Ван дер Варт доаѓа на местото на Роланд Врабец на чело на данскиот тим додека не биде назначен нов постојан тренер.
Рафаел ван дер Варт (39) остана да живее во скандинавската земја откако се откажа од фудбалот. Есбјерг има шанса да се врати во елитата следната сезона.
