Капитенот на Ливерпул, Вирџил ван Дајк, се приклучи на Мохамед Салах со потпишување на нов двегодишен договор на „Енфилд“. И покрај многуте шпекулации за иднината на ѕвездите на „Црвените“, двајцата сега ќе останат на Мерсисајд до 2027 година.
„Црвените“ се блиску до освојување на втората титула во Премиер – лигата и вкупно 20-та титула во англискиот фудбал, а Ван Дајк е на пат да стане првиот Холанѓанец што ќе ја предводи екипата како капитен до шампионската титула.
Сметан за еден од најдобрите дефанзивци во светскиот фудбал, продолжувањето на договорот беше клучно за плановите на Арне Слот во иднина.
Со новиот договор, Ван Дајк ќе остане во клубот дополнителни две сезони, што значи дека неговиот престој на „Енфилд“ ќе трае вкупно девет и пол години, по рекордниот трансфер од Саутемптон во јануари 2018 година. Меѓу навивачите на Ливерпул постоеше страв дека Ван Дајк, Салах и Трент Александер-Арнолд ќе заминат летово, но двајца од нив веќе ги продолжија своите договори.
