Реал Мадрид претрпе убедлив пораз од 5-2 во дербито против Атлетико Мадрид, прв под водство на Чаби Алонсо. По натпреварот, тренерот призна дека тимот не настапил на потребното ниво и дека проектот што го гради сѐ уште е во развојна фаза.
„Одигравме слаб натпревар, не бевме добри ниту колективно, ниту индивидуално. Не бевме на висина ниту со топка, ниту без неа. Ова е нашиот прв пораз сезонава, но ќе продолжиме понатаму. Нема оправдувања, поразот беше заслужен. Ова е дерби и навистина боли да се загуби на овој начин“, изјави Алонсо.
Тој нагласи дека главниот проблем бил недостатокот на интензитет и концентрација во текот на дербито.
„Не се натпреварувавме на нивото што го бара ваков меч. Во дуелите бевме пасивни, со топка не наоѓавме решенија, а играта не течеше. Атлетико нè притискаше и не успеавме да реагираме.“
Алонсо потенцираше дека вината е целосно кај тимот и дека судиските одлуки не влијаеле на исходот.
„Ова нема врска со судиите. Поразот беше заслужен.“
