Тиквеш се радуваше на победа над Македонија ЃП со 2-1, додека Арсими го совлада Шкупи со 4-2 во натпреварите од Првата фудбалска лига кои се одиграа денеска.
На дуелот во Кавадарци, Берат Садик уште во деветтата минута со удар со глава донесе предност за Тиквеш. Македонија ЃП успеа да израмни во 58. минута преку пеналот на Ѓорѓи Стоилов, но домаќините повторно поведоа во 68. минута со голот на Иван Ивановски, што им донесе триумф.
Во Гостивар, Арсими го надмина Шкупи со 4-2. Иако Шкупи успеа да израмни на 2-2 во 76. минута, домаќините со два гола во завршните моменти преку Леонид Игнатов и Шефит Шефити од пенал ја обезбедија победата и триумфално го завршија натпреварот.
Првите два гола за Арсими ги постигнаа Рамадани и Шефити, а за Шкупи стрелаа Рибеиро и Дестани.
