Менаџерот на Глазгов Ренџерс, Џовани Ван Бронкхорст, изјави дека неговиот тим е подготвен да одигра 120 минути или да изведува пенали доколку е потребно, само да го осви пехарот во Лигата на Европа. Утре во Севилја шкотскиот тим ќе се соочи со Ајнтрахт во финалето на Лига Европа.
„Многу сум горд што сум менаџер на овој тим и уште повеќе сум горд што ги водам момците до финалето. Ова е одлична можност да дојдеме до вториот голем европски трофеј во клупската историја. Финалето е секогаш добра работа кога победувате, но нема убави спомени ако изгубите. Тука сме да победиме“, изјави Ван Бронкхорст.
Тој смета дека Ајнтрахт Франкфурт е одличен тим и ќе биде голем ривал во финалната пресметка.
„Ајнтрахт одигра одлични натпревари против Барселона и Вест Хем и заслужува да биде тука. Во финалето се две екипи со голема историја и огромна база на верни навивачи. Поинаку е кога ќе го видите интересот на медиумите, но мораме да се погрижиме да бидеме фокусирани на натпреварот. Големите натпревари се придружени со тензија, но тоа е дел од секој спорт на највисоко ниво. Расположението во тимот е одлично, возбудени сме што ќе играме во финалето. Мислам дека сме добро подготвени. Нашите навивачи ќе бидат важен фактор, ќе ги слушнете утре“, додаде Холанѓанецот.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski