Федерико Валверде е фудбалерот со најмногу одиграни минути во текот на минатата сезона во Европа. Играчот за врска на Реал Мадрид учествувал на 72 натпревари за „кралскиот клуб“ и за репрезентацијата на Уругвај, при што поминал вкупно 6.116 минути на теренот.
На второто место на листата е Бруно Фернандеш. Играчот на Манчестер Јунајтед и португалската репрезентација има 5.796 минути во 66 натпревари. Трет е голманот на Милан и француската репрезентација, Мајк Мењан, со 5.624 минути во 63 меча.
Во топ 5 се вклучени и Џошуа Кимих (Баерн Минхен и Германија) со 5.529 минути во 64 натпревари и Јошко Гвардиол (Манчестер Сити и Хрватска) со 5.459 минути во исто така 64 натпревари.
Од редовите на европскиот клупски шампион Пари Сен Жермен, најмногу минути на терен поминал дефанзивецот Ашраф Хакими, 5.260 минути во 62 натпревари.
