Валенсија се пласира во финалето на Купот на Шпанија, откако го совлада Атлетик Билбао со 1-0 во вториот меч од полуфиналето на Копа дел реј. Првиот дуел во Баскија заврши 1-1.
Човек на одлука беше Португалецот Гонкало Гуедеш, кој во 43. минута испрати вистинска „бомба“ од далечина и успеа да го совлада Хулен Агирезабала.
Во второто полуфинале играат Рајо Валјекано на македонскиот голман Столе Димитриевски и Бетис. Тимот од Севилја има предност од 2-1 обезбедена на гости.
