Холандскиот интернационалец Џорџинио Вајналдум е пред трансфер во германскиот првак Баерн Минхен, откриваат медиумите во оваа земја. Преговорите ги потврди и агентот на фудбалерот кој истакна дека Вајналдум е среќен што клуб како Баерн Минхен се интересира за неговите услуги.
Холанѓанецот доаѓа на „Алијанц арена“ како слободен агент со оглед дека летово завршува неговиот договор со Ливерпул. Тој беше во плановите на Барселона, потоа во трката се вклучи и Интер, но најверојатно Вајналдум ќе заврши во редовите на Баерн Минхен.
Новиот тренер на баварскиот тим, Џулијан Нагелсман, го одобрил доаѓањето на Вајналдум во летниот преоден рок.
