Репрезентацијата на Украина ја оствари својата прва победа на ЕВРО 2024, значително зголемувајќи ги шансите за пласман во осминафиналето. По поразот од Романија, тимот на Сергеј Ребров започна лошо и на денешниот натпревар против Словачка, но успеа да направи пресврт и да победи со 2-1.
Иван Шранц, со својот втор гол на турнирот, ја донесе Словачка во водство од 1-0 во 17. минута.
Украина одговори во второто полувреме. Микола Шапаренко израмни на 1-1 во 54. минута, а Роман Јаремчук го комплетираше пресвртот со гол во 80. минута од натпреварот.
