Клубовите и репрезентациите на Белорусија ќе мора да ги играат сите домашни натпревари во натпреварувањата на УЕФА на неутрален терен без публика, објави управното тело на Европската фудбалска организација.
„Извршниот одбор на УЕФА се состана и одлучи дека сите белоруски клубови и репрезентации кои се натпреваруваат во натпреварувањата на УЕФА ќе мора да ги играат своите домашни натпревари на неутрален терен, почнувајќи од денес“, се вели во соопштението.
Покрај тоа, нема да има публика на натпреварите на кои белоруските екипи ќе играат како домаќини.
ФИФА и УЕФА веќе ги суспендираа руските репрезентации и клубови од меѓународниот фудбал до дополнително известување поради инвазијата над Украина.
