Европската куќа на фудбалот донесе одлука да и ја одземе на Русија организацијата на финалето во Лигата на шампионите. Наместо Санкт Петербург, поради руската инвазија на Украина, УЕФА одлучи финалето да се игра во Париз.
Вонредниот состанок на Извршниот одбор на УЕФА, закажан по продолжувањето на руската агресија и окупацијата на Украина, резултираше со неколку важни одлуки.
Главната вест е дека на Русија, поточно на градот Санкт Петербург, е одземено домаќинството на финалето на Лигата на шампионите. Мечот за европската клупска титула ќе се игра на „Сен Дени“ во Париз на 28 мај.
