УЕФА го раскинува партнерството со руската енергетска компанија „Газпром“, која беше главен спонзор на Лигата на шапионите од 2012 година.
Руската компанијата го обнови договорот со УЕФА минатата година и требаше да биде спонзор на Лигата на шампионите до 2024 година.Се претпоставува дека УЕФА добиваше околу 35 милиони евра годишно од ова спонзорство.
„УЕФА денеска реши да стави крај на партнерството со „Газпром“ во сите натпреварувања. Одлуката стапува на сила веднаш и ги покрива сите договори вклучувајќи ја Лигата на шампионите, националните натпреварувања на УЕФА и ЕВРО 2024“, објавија од УЕФА.
