Замина еден турски стратег, а на Чаир доаѓа друг. Хасан Озер е новиот шеф на стручниот штаб на Шкупи, потврди клубот на официјалниот сајт. Тој во минатото го водеше Челик Зеница, кој во последниот период е речиси „братски“ клуб со Шкупи, односно сите случувања од Зеница пост фестум се случуваат и на Чаир.
Хасан Озер потпиша двегодишен договор со раководството на Шкупи и веднаш ќе допатува во Македонија за да го преземе тимот на 8. јануари, кога стартуваат подготовките и тоа директно во Дојран.
Озер има тренерско искуство од неколку турски клубови како Маниса, Газијантеп, Бурса, Ризеспор, Кајзериспор…
