Тренерот на Баерн Минхен, Томас Тухел, ги пофали своите играчи за настапот на дербито со Борусија Дортмунд. Баварците победија со 0-4 на „Сигнал Идуна Парк“, а тренерот верува дека тоа се најдобрите 90 минути за неговиот тим од почетокот на сезоната.
„Тоа беа нашите најсилни 90 минути од почетокот на сезоната. Досега имаме две ремија – против Баер Леверкузен и против Лајпциг. Не можеме да се потпреме на истите играчи во одбраната, правиме промена на голот на сред сезона… Исто така, водиме во нашата група во Лигата на шампионите, па сега е време да се фокусираме на првенството. За тим кој не покажува развој и има лоша комуникација меѓу тренерот и играчите, мислам дека ни оди прилично добро“, се пошегува Тухел за критиките кои ги добиваше неодамна.
„Го покажавме тоа што секогаш го правиме. Играме според нашите стандарди, на наше ниво. Одлично се снајдовме против Борусија Дортмунд, задоволен сум од тимот. Одигравме одличен натпревар, се обидувавме да создадеме што е можно повеќе шанси за гол. По еден таков натпревар со Сарбрикен, важно беше да се покаже вистинската реакција. Покажавме дека сме свесни за важноста на овој натпревар. Останавме мирни до самиот крај. Сепак, сѐ уште боли испаѓањето од Купот. Со реакцијата што ја покажавме во Дортмунд може да се види дека тимот е на вистинскиот пат“, додаде стратегот на Баерн Минхен.
