Норвешкиот напаѓач Ерлинг Халанд со два гола го урна Тотенхем и заедно со голманот Ортега, кој имаше неколку клучни одбрани, донесе важна победа (0-2) во Лондон која го исфрли Манчестер Сити во пол-позиција пред последното коло во Премиер-лигата.
Сега на „граѓаните“ им преостанува да го победат Вест Хем на домашен терен в недела и да ја освојат четвртата последовна титула во Англија.
„Имавме фантастичен менталитет против Тотенхем. Се фокусиравме натпревар по натпревар за да стигнеме таму каде што сме сега. Сакам да им порачам на моите соиграчи да бидат опуштени за последниот натпревар од сезоната, во Премиер – лигата. Мислам дека бевме малку нервозни на последниот меч. Тоа е можеби нормално затоа што има многу емоции за сите во финишот на сезоната. Едно е сигурно, треба да се обидеме да опуштиме и верувам дека ќе успееме да го победиме Вест Хем пред нашите гледачи“, изјави Ерлинг Халанд.
