Повеќето клубови од Премиер – лигата нема да го поддржат предлогот за укинување на ВАР од следната сезона, тврди „Скај Спортс“. Вчера беше откриено дека годишниот клупски состанок на Премиер – лигата ќе се сведе на гласање дали да се задржи технологијата следната сезона.
Понудата дојде од Вулверхемптон и за да биде прифатена треба да биде поддржана од минимум 14 од најдобрите 20 клубови. Сепак, тоа нема да се случи бидејќи повеќето клубови се на мислење дека отстранувањето на технологијата ќе биде контрапродуктивно и ќе ја наруши позицијата што ја има Премиер – лигата.
Всушност, „Скај Спортс“ тврди дека предлогот ќе биде разгледан на состанокот на 6 јуни, но не мора да се гласа. Доколку при дискусијата се види дека има доволна поддршка, дури тогаш може да се гласа.
Одборот на директори на Премиер – лигата исто така силно се противи на понудата на Вулверхемптон.
Клубовите веќе се договорија дека технологијата за полуавтоматско поставување ќе биде воведена во Премиер – лигата од следната сезона.
