Менаџерот на Челси, Томас Тухел, се обиде да ја објасни ситуацијата со напаѓачот, Ромелу Лукаку, кој полека ја губи довербата кај навивачите. Тој не добива шанса да игра, а наводно веќе донел одлука и да замине од „Стемфорд бриџ“.
„Мислам дека е уморен и малку нервозен од патувањата. Ромелу има одредени проблеми и со напорната работа на тимот, тој не може да се навикне физички, но и психички. Сепак, верувам дека брзо ќе ја надмине оваа состојба. Не е точно дека стручниот штаб не го поддржува Лукаку“- изјави Тухел.
Италијанските медиуми се погласно најавуваат дека Ромелу Лукаку сака да се врати во редовите на Интер.
