Тричковски во тимот на сезоната во кипарскиот шампионат (ФОТО)

Македонскиот фудбалски интернационалец Иван Тричковски има блескава кариера на Кипар. Тој и официјално беше прогласен за дел од најдобриот тим на првенството на Кипар за минатата сезона. Тричко е странецот со најмногу постигнати голови во историјата на кипарскиот шампионат и веќе прераснува во легенда на АЕК Ларнака.

Тој го доби признанието за тимот на сезоната на свечена церемонија, потсетувајќи дека и минатата сезона беше одличен. Уште поважно за него и за АЕК Ларнака е што Тричковски прикажува фантастични игри и оваа сезона и веќе има постигнато 12 гола.