Англискиот премиерлигаш Тотенхем донел одлука да му даде отказ на Антонио Конте. Тоа, според сознанијата на британски „Телеграф“, ќе се случи до крајот на оваа недела.
Конте по ремито (3-3) со Саутемптон ги прозва играчите, а Тотенхем го нарече клуб губитник кој нема трофеј повеќе од една деценија. Поради ова најверојатно ќе мора да си замине од функцијата.
Тимот на Тотенхем треба да го преземе Рајан Мејсон и ќе го води до крајот на сезоната во која ќе се обиде да избори пласман во Лигата на шампионите.
