Играчот од средниот ред на Лестер, Јури Тилеманс ја одби понудата на клубот за нов договор. Неговиот актуелен договор истекува во 2023 година, a тој сака да се пресели во поголем клуб. Интересот за него е сериозен, бидејќи Ливерпул, Арсенал и Манчестер Јунајтед ја следат ситуацијата и се очекува понуда за него да пристигне наредното лето.
24-годишниот Белгиец важи за еден од најдобрите фудбалери за врска во светот во овој момент. Тој сака да се приклучи на клуб кој се бори за титулата.
Лестер, доколку не успее да го убеди да потпише нов договор, најверојатно ќе го продаде за околу 40 милиони фунти следното лето.
