Тиквеш оствари убедлива победа над Скопје совладувајќи го со 3-0 на Градскиот стадион во Кавадарци. Ова беше прв меч од 22.коло во Првата фудбалска лига, а на Тиквеш му донесе и позиција погоре на табелата, прескокнувајќи го токму денешниот ривал Скопје.
Скопје по половина час игра остана со фудбалер помалку откако Христијан Димов доби два жолти картони, а Анаел Барга Нгоба во 45.минута донесе водство за кавадарчани.
Во вториот дел, Нгоба погоди уште еднаш во 60.минута, а Кристијан Ризов го постави конечниот епилог во 88.минута од дуелот.
